 |
| រូបភាព Google |
ទឹកឆា ជារមណីយដ្ឋានបែបទំនប់ទឹកដែលស្ថិតនៅក្នុងភូមិថ្មដា ឃុំបឹងណាយ និងភូមិថ្មី ឃុំក្រូច ស្រុកព្រៃឈរ ខេត្តកំពង់ចាម មានចំងាយ ៤២គ.ម ពីក្រុងកំពង់ចាម ចូលពីផ្លូវជាតិលេខ៧ ១៣គ.ម ត្រង់ភូមិក្រូចត្រូវបែកចេញពីផ្លូវបត់ទៅស្តាំតាមផ្លូវសសៀរបណ្តោយប្រឡាយទឹក ៥គ.ម ទើបទៅដល់ទឹកឆា ។
នៅក្បែរប្រាសាទ មានជ្រោះប្រឡាយទឹកតាំងពីបុរាណមក មានទឹកហូរ ខួបប្រាំងខួបវស្សា គឺនៅរដូវវស្សាពេញប្រៀបដោយទឹក ឯនៅរដូវប្រាំងវិញនៅសល់ទឹកត្រឹមក្បាលជង្គង់ ឬលើក្បាលជង្គង់បន្តិច ។ ទឹកនៅប្រឡាយនេះថ្លាឆ្វេងហើយ ហូរមិនចេះឈប់ ជាហេតុនាំឱ្យអ្នកទេសចរណ៍អាចហែលទឹកយ៉ាងសប្បាយរីករាយ ។ នៅសងខាងប្រឡាយទឹក មានរុក្ខជាតិដុះរកេតរកូត តែសព្វថ្ងៃនេះ គេកាប់រំលំឱ្យ បានជាវាលរាបមួយកន្លែងយ៉ាងធំ ត្រូវផ្លូវទឹកបែកចេញ ជាឆ្នេរធំល្ហល្ហាច គឺចំត្រង់តួប្រាសាទថ្ម ។
 |
| ប្រជាជនកំពុងងូតទឹកលេងកម្សាន្តតាមប្រឡាយទឹកនៅទឹកឆា |
នៅក្បែរៗនោះ មានបន្សល់នូវសំណល់ប្រាសាទបុរាណជាច្រើន ដូចជា ប្រាសាទបោសព្រះនន់ (ប្រាសាទគុកធំ ឬប្រាសាទស្រី) និងប្រាសាទគុកតូច (ប្រាសាទប្រុស) ។
ជារៀងរាល់ថ្ងៃគឺមានភ្ញៀវទេសចរណ៍រាប់រយនាក់ទៅងូតទឹកលេង និងសម្រាកកម្សាន្ត ។ ជាពិសេស ប្រជាជននិយមទៅលេងតំបន់ព្រះធាតុទឹកឆា នៅឱកាសបុណ្យចូលឆ្នាំប្រពៃណីខ្មែរ បុណ្យភ្ជុំបិណ្ឌ បុណ្យប្រពៃណីផ្សេងៗ និងថ្ងៃចុងសប្តាហ៍ ។
0 Komentar