អន្លង់ភ្ញៀវ ជាឈ្មោះរមណីយដ្ឋានបែបធម្មជាតិកែច្នៃមួយកន្លែង
ដែលកំពុងទាក់ទាញអ្នកកម្សាន្តយ៉ាងខ្លាំង តាំងពីមុនពិធីបុណ្យចូលឆ្នាំប្រពៃណីជាតិខ្មែរមកម៉្លេះ ។ តាមរយៈការផ្សព្វផ្សាយលើបណ្តាយសង្គមហ្វេសប៊ុក ដែលបានបញ្ជាក់ប្រាប់ថារមណីយដ្ឋាននេះ នឹងបើកដំណើរការក្នុងពេលចូលឆ្នាំខ្មែរ ។
ក្នុងរមណីយដ្ឋាននេះ មានសួនកម្សាន្ត និងចម្ការដំណាំជាច្រើនប្រភេទ នៅតាមជើងភ្នំ និងចង្កេះភ្នំ ដែលម្ចាស់រមណីយដ្ឋានមានគម្រោងនឹងសាងសង់បន្ថែមនូវកន្លែងកម្សាន្ត កន្លែងងូតទឹកជាច្រើនផ្សេងទៀតផងដែរ ។
រមណីយដ្ឋានអន្លង់ភ្ញៀវមានទេសភាពអមដោយជួរភ្នំព័ទ្ធជុំវិញតែម្តង ដែលស្ថិតនៅក្នុងភូមិស្រែជើងរាស្ត្រ ឃុំត្រពាំងក្រញូង ស្រុកត្រាំកក់ ខេត្តតាកែវ ។ ក្រៅពីមានទេសភាពដ៏ស្រស់ស្អាតនៅទីនោះ ក៏មានលក់អាហារឆ្ងាញ់ៗ ដ៏សម្បូរបែប ក្នុងតម្លៃសមរម្យទៀតផង ៕
រូបភាព : Facebook
0 Komentar