 |
| ទឹកធ្លាក់ច្រកល្អៀង (Khmer Daily) |
បើអ្នកធ្វើដំណើរពីភ្នំពេញទៅ លុះដល់ផ្សារក្រគរ ត្រូវបត់ចូលតាមផ្លូវគ្រួសក្រហម នៅខាងឆ្វេងដៃ ហើយធ្វើដំណើរបន្តរហូតដល់តំបន់ទឹកធ្លាក់ដែលផ្លូវមានសភាពខ្សាច់ប្រមាណជាង ៧គីឡូម៉ែត្រ រឺអាចធ្វើដំណើរតាមច្រកផ្សារពង្រក្នុងខេត្តកំពង់ឆ្នាំង ។
នៅទីនោះ មានទឹកធ្លាក់កម្ពស់ ៧ម៉ែត្រ និងព្រៃភ្នំធម្មជាតិចម្រុះពណ៌ខៀវស្រងាត់ ជាពិសេសទឹកជ្រោះហូរត្រដុសតាមបណ្តោយផ្ទាំងថ្មដារហូតដល់ ៣០០០ម៉ែត្រ ប្រកបដោយល្បាក់ទឹក ដែលអាចអោយភ្ញៀវទេសចរណ៍លេងទឹក ឬរំអិលខ្លួនលើផ្ទាំងថ្មបាន ។ ទឹកធ្លាក់មានប្រភពហូរចេញមកពីលើកំពូលភ្នំនៅដំណាក់ទី៧ ដែលដំណាក់ទឹកធ្លាក់ទាំង៧ជាន់នោះមានឈ្មោះ ដំណាក់ទឹកឈូ មនោរម្យ ថ្មសណ្តូក ជ្រោះដំណាក់ព្រះ ជ្រៃក្រឹម កោះសុបិន និងដំណាក់ទឹកធ្លាក់ ។ បើគិតចាប់ពីដំណាក់ទឹកឈូឡើងដល់ដំណាក់ទឹកធ្លាក់មានប្រវែងប្រមាណ ១០៦០ ម៉ែត្រ ។
រមណីយដ្ឋានទឹកធ្លាក់ច្រកល្អៀងរបស់សហគមន៍ ឃុំឈើតុំ ត្រូវបានបង្កើតឡើងនៅក្នុងឆ្នាំ ២០០២ និងក្រោយមកត្រូវបានទទួលស្គាល់ជាផ្លូវការនៅឆ្នាំ ២០១០ ។
រមណីយដ្ឋានទឹកធ្លាក់ច្រកល្អៀងរបស់សហគមន៍ ឃុំឈើតុំ ត្រូវបានបង្កើតឡើងនៅក្នុងឆ្នាំ ២០០២ និងក្រោយមកត្រូវបានទទួលស្គាល់ជាផ្លូវការនៅឆ្នាំ ២០១០ ។
ចំពោះម្ហូបអាហារនៅរមណីយដ្ឋានទឹកធ្លាក់ច្រកល្អៀងវិញ ក្រោមការរៀបចំរបស់មន្ទីរទេសចរណ៍ខេត្ត បានកំណត់តម្លៃច្បាស់លាស់ ដើម្បីអោយមានការងាយស្រួលដល់ភ្ញៀវទេសចរណ៍ ។ តែលោកក៏បានលើកឡើងថា តម្លៃមាន់ក្នុងថ្ងៃបុណ្យចូលឆ្នាំចិន ចូលឆ្នាំខ្មែរ នៅតែអាចឡើងថ្លៃ ។
ដើម្បីរក្សាសណ្តាប់ធ្នាប់ និងសុវត្ថិភាពនៅរមណីយដ្ឋានទឹកធ្លាក់ច្រកល្អៀងឱ្យបានល្អ សហគមន៍បានយកថ្លៃសេវាកម្មមួយចំនួនដូចជា រថយន្តតូច១គ្រឿង បង់៥០០០រៀល ធុនកណ្តាល បង់១០០០០ម៉ឺនរៀល និងរថយន្តធំ ចាប់ពី៥តោនឡើងទៅ បង់ ១៥០០០រៀល ។
ភ្ញៀវទេសចរណ៍ជាតិម្នាក់បង់១០០០រៀល រីឯកុមារតូចៗមិនបង់ប្រាក់ឡើយ ។ ដោយឡែកភ្ញៀវទេសចរណ៍បរទេសម្នាក់ត្រូវបង់ប្រាក់១ដុល្លារ ។
ដើម្បីរក្សាសណ្តាប់ធ្នាប់ និងសុវត្ថិភាពនៅរមណីយដ្ឋានទឹកធ្លាក់ច្រកល្អៀងឱ្យបានល្អ សហគមន៍បានយកថ្លៃសេវាកម្មមួយចំនួនដូចជា រថយន្តតូច១គ្រឿង បង់៥០០០រៀល ធុនកណ្តាល បង់១០០០០ម៉ឺនរៀល និងរថយន្តធំ ចាប់ពី៥តោនឡើងទៅ បង់ ១៥០០០រៀល ។
ភ្ញៀវទេសចរណ៍ជាតិម្នាក់បង់១០០០រៀល រីឯកុមារតូចៗមិនបង់ប្រាក់ឡើយ ។ ដោយឡែកភ្ញៀវទេសចរណ៍បរទេសម្នាក់ត្រូវបង់ប្រាក់១ដុល្លារ ។
សូមទស្សនាវីដេអូ ថតដោយ ទូរទស្សន៍ជាតិកម្ពុជា ខេត្តពោធិ៍សាត់
0 Komentar