ខេត្តកំពង់ចាម ជាខេត្តមួយនៃប្រទេសកម្ពុជា ស្ថិតនៅវាលទំនាបកណ្តាលនៃទន្លេមេគង្គ ។ ខេត្តនេះមានព្រំប្រទល់ខាងកើត ជាប់ខេត្តត្បូងឃ្មុំ ខាងលិចជាប់ខេត្តកំពង់ឆ្នាំង ខាងជើងជាប់ខេត្តកំពង់ធំ ហើយខាងត្បូងជាប់ខេត្តព្រៃវែង និងខេត្តកណ្តាល ។
 |
| ទីតាំងរបស់ខេត្តកំពង់ចាម ក្នុងផែនទីប្រទេសកម្ពុជា |
កាលពីដើមឡើយខេត្តកំពង់ចាម និងខេត្តត្បូងឃ្មុំជាខេត្តតែមួយ តែត្រូវបានបែងចែកជា ២ខេត្តនៅថ្ងៃទី ៣១ ធ្នូ ២០១៣ ជារឿងដែលគេមើលឃើញភាគច្រើនថាជារបត់នយោបាយរបស់បក្សកាន់អំណាច ដោយផ្ទៃដីនៅខាងលិចទន្លេ នៅតែជាខេត្តកំពង់ចាមដដែល ចំណែកឯផ្ទៃដីនៅខាងកើតទន្លេ បានក្លាយជាខេត្តត្បូងឃ្មុំ ។
ខេត្តកំពង់ចាម មានផ្ទៃក្រឡាសរុប ៤៥៤៩ គីឡូម៉ែត្រក្រឡា ស្ថិតនៅចំណាត់ទី១១ និងមានប្រជាជនសរុប ១៦៨០ ៦៩៤ (កាលពីឆ្នាំ២០០៨ ពេលមិនទាន់បែងចែកខេត្តជា២) ស្ថិតនៅចំណាត់ថ្នាក់ទី ២ ។
ភូមិសាស្ត្ររបស់ខេត្តនេះ ដើមឡើយជាដីទំនាប ។ ទន្លេធំគឺទន្លេមេគង្គដែលបង្កើតជាព្រំដែន ចែកខេត្តកំពង់ចាម និងខេត្តត្បូងឃ្មុំ។ មានស្ពានដ៏វែងមួយសម្រាប់ឆ្លងកាត់ពីក្រុងកំពង់ចាម ខេត្តកំពង់ចាម ទៅស្រុកត្បូងឃ្មុំ ខេត្តត្បូងឃ្មុំ គឺស្ពានមិត្តភាពកម្ពុជា ជប៉ុន គីហ្សូណា ដែលបានដាក់អោយប្រើប្រាស់ក្នុងឆ្នាំ២០០៤។
ខេត្តកំពង់ចាម ត្រូវបានបែងចែកជា ១ក្រុង ៩ស្រុក និង ១០៩ឃុំ សង្កាត់ រួមមាន
- ក្រុងកំពង់ចាម ប្តូរឈ្មោះពី ស្រុកកំពង់ចាមនៅឆ្នាំ ២០១៣ (Kampong Cham) (៤សង្កាត់)
- ស្រុកកំពង់សៀម (Kampong Siem) (១៥ឃុំ)
- ស្រុកស្ទឹងត្រង់ (Stueng Trang) (១២ឃុំ)
- ស្រុកព្រៃឈរ (Prey Chhor) (១៥ឃុំ)
- ស្រុកជើងព្រៃ (Cheung Prey) (១០ឃុំ)
- ស្រុកបាធាយ (Batheay) (១២ឃុំ)
- ស្រុកកោះសូទិន (Kaoh Soutin) (៨ឃុំ)
- ស្រុកចំការលើ (Chamkar Leu) (៨ឃុំ)
- ស្រុកស្រីសន្ធរ (Srey Santhor) (១៤ឃុំ)
- ស្រុកកងមាស (Kang Meas) (១១ឃុំ)
ដើម្បីធ្វើដំណើរទៅកាន់ខេត្តកំពង់ចាម ដោយចេញពីរាជធានីភ្នំពេញ យើងត្រូវធ្វើដំណើរតាមផ្លូវជាតិលេខ៦A រួចបន្តតាមផ្លូវជាតិលេខ៦ ដល់ភូមិស្គន់ធ្វើដំណើរបន្តទៀតតាមផ្លូវជាតិលេខ៧ ដែលមានចំងាយសរុប ១២៤ គីឡូម៉ែត្រ ។ បច្ចុប្បន្នផ្លូវពីរាជធានីភ្នំពេញដល់ស្គន់ ត្រូវបានរាជរដ្ឋាភិបាលពង្រីកធំងាយស្រួលក្នុងការធ្វើដំណើរ។
រមណីយដ្ឋាននៅខេត្តកំពង់ចាម ៖
+ ក្រុងកំពង់ចាម
- អាងហែលទឹកទន្លេ
+ ស្រុកកំពង់សៀម
- វត្តជ័យគិរី (វត្តហាន់ជ័យ)
- វត្តភ្នំប្រុសភ្នំស្រី
- វត្តនគរបាជ័យ
- កោះប៉ែន
+ ស្រុកស្ទឹងត្រង់
- ចំការនាគខ្មៅ
- វត្តព្រះអង្គគុហា
- ទំនប់ទឹក ៥កុម្ភៈ
- ទំនប់ទឹកឆា
+ ស្រុកជើងព្រៃ
+ ស្រុកបាធាយ
+ ស្រុកកោះសូទិន
+ ស្រុកស្រីសន្ធរ
+ ស្រុកកងមាស
សូមទស្សនាវីដេអូខ្លះៗ ពីទេសភាពខេត្តកំពង់ចាម
ក្រុងកំពង់ចាម និង ផ្សារធំថ្មី
ទិដ្ឋភាពផ្សាររាត្រី
ប្រភព ៖ វីគីភីឌា ខ្មែរ, Tourism Cambodia
0 Komentar