ភូមិ​អភិវឌ្ឍន៍​អន្លង់ជ្រៃ​ ខេត្តត្បូង​ឃ្មុំ


ភូមិអន្លង់ជ្រៃ​ ស្ថិត​នៅ​ក្នុង​ឃុំ​កក់​ ស្រុក​ពញា​ក្រែក ខេត្ត​ត្បូង​ឃ្មុំ​ ដែល​មាន​ចម្ងាយ​ប្រមាណ​ ៤៨គីឡូម៉ែត្រ ។ ភូមិនេះ​ស្ថិត​នៅ​ក្នុង​ស្រុក​កំណើត​របស់​សម្តេច​ហេង​ សំរិន ប្រធាន​រដ្ឋសភា​នៃ​ព្រះ​រាជាណាចក្រ​កម្ពុជា ។ 

ដើម្បី​បាន​ទៅ​ដល់​ភូមិ​អភិវឌ្ឍន៍​អន្លង់ជ្រៃ​ យើង​ធ្វើ​ដំណើរ​ចេញ​ពី​ក្រុង​សួង​ តាម​បណ្តោយ​ផ្លូវ​ជាតិ​លេខ៧ រហូត​មក​ដល់​ផ្លូវ​បំបែក​ត្រង់​ស្រុក​ពញាក្រែក ហើយ​បត់​ស្តាំ​ធ្វើ​ដំណើរ​តាមផ្លូវជាតិ​លេខ៨ បន្ត​ចំងាយ​ប្រមាណ ១៩គីឡូម៉ែត្រទៀត ។ យើង​នឹង​ដល់​ភូមិ​អន្លង់ជ្រៃ​ហើយ ។ 

នៅ​ពេល​តែ​ទៅ​ដល់​ភូមិ​នេះ​ភ្លាម​យើង​នឹង​បាន​ឃើញ​ការ​អភិវឌ្ឍ​ និង​ការ​រៀប​ចំ​ប្រកប​ដោយ​សោភណភាព ដែល​មាន​អាង​ស្តុក​ទឹក​មួយ​យ៉ាង​ធំ និង​ឃើញ​ប្រឡាយ​ទឹក​មួយ​ខ្សែ​ស្តារ​ឡើង​ជា​រាង​អក្សរ (L) មាន​ទឹក​ដក់​ខួប​ប្រាំង​ខួប​វស្សា​សម្រាប់​ប្រើ​តាម​តម្រូវ​ការ ។ លំនៅ​ឋាន​របស់​អ្នក​ស្រុក​ត្រូវ​បាន​សាង​សង់​ឡើង​មាន​ម៉ូត​ដូច​ៗ​គ្នា​ជាជួរ (២ខ្នង​ សសរ​បេតុង ជញ្ជាំង​ក្តារ​ ប្រក់​ក្បឿង) គួរ​អោយ​ចង់​រស់​នៅ​ណាស់ ។ 

ការ​រស់​នៅ​របស់​បងប្អូន​ប្រជា​ពលរដ្ឋ​នៅ​ក្នុង​ភូមិ​អន្លង់ជ្រៃ​ គឺ​ពឹង​ផ្អែក​ទាំង​ស្រុង​ទៅ​លើ​មុខរបរ​កសិកម្ម​ព្រម​ទាំង​ដំណាំ​ដាំ​ដុះ សម្រាប់​ផ្គត់​ផ្គង់​ជីវភាព​ក្រុម​គ្រួសារ ។ 
Previous
Next Post »
0 Komentar