 |
| អាហារដ្ឋានស្មៅទន្លេ |
អាហារដ្ឋានស្មៅទន្លេ ជាអាហារដ្ឋានត្រូវបានរៀបចំឡើងនៅតាមមាត់ទន្លេក្នុងភូមិទី២ សង្កាត់វាលវង់ ក្រុងកំពង់ចាម ខេត្តកំពង់ចាម មានជាកន្លែងបរិភោគអាហារ និងកន្លែងថតរូបច្រើនបែបបទ ។
អាហារដ្ឋានស្មៅទន្លេ មានចម្ងាយប្រមាណ ២.៥គ.ម ពីសាលាខេត្តកំពង់ចាម និងចម្ងាយប្រមាណ ១២៤គ.ម ពីសាលារាជធានីភ្នំពេញ ។ ពីរាជធានីភ្នំពេញ លោកអ្នកអាចធ្វើដំណើរតាមផ្លូវជាតិលេខ៦អា រហូតដល់រង្វង់មូលថ្នល់បែក រួចបន្តដំណើរតាមផ្លូវជាតិលេខ៦ដល់រង្វង់មូលស្គន់ និងបន្តដំណើររហូតដល់ក្រុងកំពង់ចាម ។ ពេលដល់រង្វង់មូលគល់ស្ពានគីហ្សូណា យើងធ្វើដំណើរតាមផ្លូវមាត់ទន្លេ ទៅទិសខាងត្បូង ជិតដល់ស្ពានប្ញស្សីឆ្លងទៅកោះប៉ែន យើងនឹងឃើញអាហារដ្ឋានស្មៅទន្លេ នៅខាងឆ្វេងដៃ ។ តាមផ្លូវមាត់ទន្លេ យើងអាចឃើញសួនច្បារ ស្ពានគីហ្សូណា ស្ពានប្ញស្សី និងប្រជាជនក្នុងក្រុងកំពង់ចាម ។
ការចូលញ៉ាំម្ហូបអាហារនៅអាហារដ្ឋានស្មៅទន្លេ មិនតម្រូវអោយបង់ប្រាក់ថ្លៃចូលទេ គឺគិតតែថ្លៃម្ហូបអាហារហូបតែប៉ុណ្ណោះ តែសម្រាប់ការចូលថតរូបលេងកម្សាន្ត តម្រូវអោយបង់ប្រាក់ក្នុងម្នាក់ ៣,០០០រៀល ។ ចំណែកឯការផ្ញើម៉ូតូមិនអស់ថ្លៃទេ ។
ចំពោះម្ហូបអាហារមានច្រើនមុខតាមការកម្មង់របស់លោកអ្នក ហើយតម្លៃក៏សមរម្យ អាចទទួលយកបាន ។ សម្រាប់បងប្អូនដែលមានគ្នាច្រើន អាចធ្វើការទាក់ទង ដើម្បីកក់កន្លែងមុន ។ កន្លែងអង្គុយមានផាសុកភាព និងមានច្រើនសណ្ឋាន ទាំងកន្លែងអង្គុយផ្ទាល់ អង្គុយកៅអី ។
ក្រឡេកទៅទេសភាព និងកន្លែងថតរូប ដែលទាក់ទាញបងប្អូនមិនថាទីជិត ទីឆ្ងាយមកទស្សនាមិនដែលដាច់នោះ ក៏សម្បូរបែបដែរ ។ លោកអ្នកអាចមើលរូបផ្សេងៗ ដោយ ចុចទីនេះ ក្រៅពីរូបទាំងនេះ យើងអាចមើលឃើញទូកនេសាទ ស្ពានប្ញស្សីឆ្លងទៅកោះប៉ែន ឆ្នេរខ្សាច់កោះប៉ែន ថែមទៀត ។
ឥលូវនេះ មានគូស្វាមីភរិយាថ្មីជាច្រើនគូទៅថត Pre-Wedding ជាមួយទេសភាពទាំងនោះ ។
អាហារដ្ឋានស្មៅទន្លេពីមុនគ្រាន់តែជាកន្លែងទទួលទានអាហារជាមួយការរៀបចំបែបកម្សាន្តជាមួយធម្មជាតិមាត់ទន្លេប៉ុណ្ណោះ ក្រោយប៉ុន្មានឆ្នាំមកម្ចាស់អាហារដ្ឋានបានអភិវឌ្ឍន៍អោយកាន់តែស្រស់ស្អាត មានកន្លែងថតរូបជាច្រើន ។
សម្រាប់លេខទាក់ទងទៅកាន់អាហារដ្ឋានស្មៅទន្លេ : 012 21 35 12 / 011 92 25 22 ។ អាហារដ្ឋានចាប់បើកលក់ពីម៉ោង៧ព្រឹក ដល់ម៉ោង១០យប់ ។
0 Komentar